\Aa gaya tha daam mein,jab Main sayaad kay
Chal rahay thay toofaa'n mann mein baaraa'n-o-baad kay
Mar'maree'n badan tha us ka reshmi pairhann mein,
Gaisu thay shamsheer ki maanind mere sayaad kay
Dasht-e-zulmat mein para hoon khud hi se rooth kar
Pannay palat raha hoon, tanhaai mein uski yaad kay
Is qadar naa aashna tha wo meri soch se shayd
Mujhe sunata tha qissay wo khyaalon mein tazaad kay
Ussay maloom tha main sitaron par yaqee'n nahi rakhta
Mujhay dikhata tha phir bhi, wo khail kuch a'adaad kay
Wo khamosh muhabbat hi SAGAR, meri barbaadi ka sab'ab thehri
afshaa kar deta main kaash ahwaal dil-e-na'shaad kay
Adrees Sagar....
No comments:
Post a Comment