ندگانی سے پیار بھی تو نہیں
موت کا انتظار بھی تو نہیں
کون کہتا ھے کٹ نہ پائےگی یہ
رات ھے راہگزار بھی تو نہیں
اُس گلی میں چلے توجائیں مگر
زندگی بار بار بھی تو نہیں
ھم نے دیکھاکہاں ھے سود و زیاں
پیار ھے کاروبار بھی تو نہیں
پیار دولت ھے،یہ صحیح ھے مگر
باخدا ھم کو پیار بھی تو نہیں
خودکلامی سے تھک چکے ھیں بہت
کوئی اب رازدار بھی تو نہیں
جان جانے کا ڈر ھے کس کو بھلا؟
سامنے کوئی دار بھی تو نہیں
یہ محبت فضول شے ھے بتول !
پہلا پہلا خُمار بھی تو نہیں
No comments:
Post a Comment